Laascaanod-(Togdhnews)-magaalada Laascaanood ee xarunta gobolka Sool ayaa sheegaya in lagu soo rogay magaaladaasi bandow.
Bandowdaas ayaa yimi, kaddib markii howlgallo ay sameeyeen ciidamada ammaanka ay gacanta ku soo dhigeen wiil iyo gabadh sitay walxa laga sameeyo qaraxa iyo miinooyinka laga hago meelaha fog fog.
Wasiirka warfaafinta ee Somaliland Axmed Cabdi Xaabsade oo arrintaasi wax laga waydiiyay ayaa ka gaabsaday, walow uu sheegay in marka baaritaannadu ay dhammaandaan warbaahinta loo soo gudbin doona.
Qaar ka mid ah saraakiisha ammaanka ayaa sheegay in ninka la qabtay uu yahay nin lagu tuhunsanyahay in uu ka dambeeyay dhowr weerar oo ka dhacay magaalada Laascaanood oo ay dad ku dhinteen.
